- Inicio
- Trámites e servizos electrónicos
- Guía de procedementos e servizos
- Detalle de procedementos
SBC
Bolsas comedor
Canles:
Telemático, Presencial
Nivel de tramitacion electronica:
Descarga e envío do formulario
Tipo:
Axudas, becas e subvencións
Materia:
Sociedade e benestar, Educación
Órgano responsable:
Servizos Sociais
Vixente:
Si
Bolsas de comedor destinadas, con carácter xeral, ao alumnado empadroado no termo municipal da Coruña
Mediante este procedemento convócanse e adxudican axudas para o pago do servizo de comedor aos alumnos empadroados na Coruña.
Bolsas comedor convocatoria 2025
Inscricións:
Dende o 18/03/2025 ata o 04/04/2025
Sobre o procedemento
A quen vai dirixido?:
Ao alumnado empadroado no termo municipal da Coruña e matriculado en centros con 2.º ciclo de educación infantil, educación primaria, secundaria obrigatoria, bacharelato e ciclos formativos de grao medio de formación profesional e formación profesional básica
Requisitos:
Empadroamento
- Estar empadroado/a no Concello da Coruña
Número de identificación
- Ter DNI, NIE ou número de identificación fiscal válido
Matrícula en centro educativo na Coruña
- Estar matriculada/o ou ter praza solicitada no curso 2025/2026 nun centro educativo do termo municipal da Coruña que conte con servizo de comedor autorizado.
Obrigacións tributarias e S.S.
- Estar ao corrente coas obrigas tributarias e coa Seguridade Social
Outros
- Cumprir os requisitos específicos no apartado 6 da convocaotria de bolsas municipais de comedor para o curso 2025/2026
Prezo / Custo:
Ningún
Órgano que resolve:
Titular da Concellería de Área de Benestar Social, Participación e Igualdade
Máis información:
Todas as listas obxecto de publicación sinaladas nos art. 12 e 13 desta convocatoria, identificarán a solicitude do alumnado atendendo ao código do seu expediente individual.
Para facilitar a identificación do expediente de cada persoa solicitante, con cada publicación no taboleiro de anuncios que se realice ata a resolución da convocatoria, publicarase unha lista que identificará a totalidade das solicitudes presentadas segundo o seu código de asento,o número de expediente individual asignado e a data de entrada da solicitude no rexistro.
Normativas relacionadas
- Convocatoria 2025 de bolsas municipais de comedor para o curso 2025/2026
- Ordenanza de bases reguladoras xerais para concesión de subvencións
- Lei 38/2003, do 17 de novembro, xeral de subvencións
- Lei 9/2007, de 13 de xuño, de subvencións de Galicia.
- Lei orgánica 3/2018, do 5 de decembro, de protección de datos persoais e garantía dos dereitos dixitais
- Real decreto 887/2006, do 21 de xullo, polo que se aproba o Regulamento da Lei 38/2003, do 17 de novembro, xeral de subvencións
- Lei 39/2015, do 1 de outubro, do procedemento administrativo común das administracións públicas
- Lei 19/2013, de 9 de decembro, de transparencia, acceso á información pública e bo goberno.
- Lei 7/1985, do 2 de abril, reguladora das bases do réxime local
Presentación
Prazo de presentación:
- Presentación de solicitudes desde o 18 de marzo ao 4 de abril ambos incluídos (BOP número 51, do 17 de marzo de 2025)
Documentación necesaria:
DOCUMENTACIÓN OBRIGATORIA
Débese presentar en todas as solicitudes a seguinte documentación con carácter preceptivo:
A) MODELO DE SOLICITUDE ESPECÍFICA PARA A CONVOCATORIA 2025/2026 (MODELO 088) cuberto e asinado pola persoa solicitante (alumno/a) ou, no caso de menores de idade, pola persoa proxenitora custodia, persoa acolledora ou persoa titora legal que presenta a solicitude.
B) LIBRO DE FAMILIA COMPLETO ou documento equivalente que acredite a filiación ou, no caso de existir outra relación coa persoa solicitante, a documentación xudicial ou administrativa que acredite o dito vínculo.
C) ANEXO I Consentimento para a consulta de datos.
OUTRA DOCUMENTACIÓN PARA PRESENTAR ATENDENDO Á SITUACIÓN DA UNIDADE FAMILIAR
- Para os casos en que NON SEXA POSIBLE OBTER OS DATOS ECONÓMICOS PARA AMBOS OU ALGUNHA DAS PERSOAS PROXENITORAS será obrigatorio que se presente, xunto co anexo I, unha declaración xurada de conformidade co ANEXO II que deberá vir asinada polas persoas proxenitoras afectadas por esta circunstancia.
- En casos de educación combinada presentarase a copia da resolución da autoridade educativa que especifique o réxime de asistencia a cada centro docente.
- En casos de acollemento familiar ou de menores tutelados por unha institución pública presentarase unha copia da resolución administrativa ou xudicial que acredite esta circunstancia.
DOCUMENTACIÓN ADICIONAL PARA A VALORACIÓN
Para a valoración de criterios diferentes da situación económica da unidade familiar presentarase a documentación enumerada no apartado 11 da convocatoria.
Canles de presentación
Presencial
Que se necesita?:
Achegar a documentación en calquera oficina de atención en materia de rexistro
Como se fai?:
- De forma presencial no Rexistro Xeral, nas localizacións indicadas
- Por correo certificado dirixido ao Rexistro Xeral do concello
Nos demais supostos contemplados no art 16.4 da Lei 39/2015, do 1 de outubro, do procedemento administrativo común das administracións públicas
Internet
Que se necesita?:
- Deberá dispoñer de certificado electrónico.
- Comprobe que dispón de todos os documentos que se especifican no apartado "Documentación necesaria".
Como se fai?:
Deberá cubrir o formulario web de tramitación (botón "Tramitar en liña"), achegar na seguinte pantalla a documentación solicitada, e incorporar a sinatura electrónica ao final do proceso.
No proceso de presentación solicitaráselle que asine dixitalmente a documentación presentada (deberá dispoñer de Autofirma no seu equipo), polo que con carácter xeral non é necesario asinar previamente a solicitude ou outros documentos.
Soamente no caso de que fose necesario que algún documento sexa asinado por máis dunha persoa, deberán asinalo antes de presentalo nesta sede electrónica, utilizando, preferentemente a citada ferramenta de Autofirma, desenvolvida polo Ministerio de Facenda e Administracións Públicas.
Páxina web:
https://sede.coruna.gal/opensiac/action/tramitacion?method=enter&id=2182
AVISO IMPORTANTE:
Este procedemento débese utilizar exclusivamente para presentar a solicitude inicial de bolsa comedor para o curso 2025/2026. Deberá presentar obrigatoriamente o modelo 088 e o resto da documentación descrita na apartado "Documentación necesaria".
Se está a emendar ou achegando documentación para unha solicitude presentada anteriormente deberá utilizar o procedemento de Achega de documentación co alumno ou coa alumna como persoa interesada e a persoa que presenta como representante.
Teléfono
Despois
Prazo de resolución:
Seis meses, de acordo co apartado 13.4 da convocatoria.
TRAMITACIÓN:
- Revisión da documentación presentada e descarga das consultas autorizadas.
- Requirimento de corrección das deficiencias detectadas, que deberán ser emendadas no prazo máximo de 10 días.
- Avaliación das solicitudes pola mesa de valoración.
- Proposta de resolución provisional.
- Alegacións polos interesados nun período de 10 días.
- Proposta de resolución definitiva
- Aceptación/renuncia da axuda concedida.
- Resolución de concesión/denegación da axuda.
Sentido do silencio administrativo:
Desestimatorio
E despois?:
A concesión ou denegación da axuda realizaraa a concelleira delegada de Benestar Social, Participación e Igualdade, que se publicará no taboleiro de edictos electrónico do concello. Por este mesmo medio, publicaranse as distintas incidencias que se produzan durante a convocatoria (revogación, modificación da contía da bolsa concedida, entre outros).
Todas as listas obxecto de publicación sinaladas nos art. 12 e 13 desta convocatoria identificarán a solicitude do alumnado atendendo ao código do seu expediente individual.
Para facilitar a identificación do expediente de cada persoa solicitante, con cada publicación no taboleiro de anuncios que se realice ata a resolución da convocatoria, publicarase unha lista que identificará a totalidade das solicitudes presentadas segundo o seu código de asento, o número de expediente individual asignado e a data de entrada da solicitude no rexistro.
As persoas interesadas que desexen formular alegacións ou achegar máis documentación de forma espontánea, despois de realizar a solicitude, poderán utilizar o procedemento da Sede electrónica Achega de documentación , mencionando na dita solicitude o número de expediente individual afectado.
RECURSOS
- Recurso potestativo de reposición
- Recurso contencioso-administrativo
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible