Concello da Coruña

Concello da Coruña

ATEST

Copia de atestado de tráfico

Canles:

Presencial

Nivel de tramitacion electronica:

Tramitación electrónica

Tipo:

Certificados

Materia:

Transporte, Tráfico, Sector público, Seguridade, Policía

Órgano responsable:

Policía Local, Extinción de Incendios, Salvamento e Protección Civil

Vixente:

Si

Solicitude de copia de atestado de accidente de tráfico realizado pola Policía Municipal da Coruña

  • Se vostede desexa unha copia do atestado de tráfico poderá solicitala e fará constar o número de rexistro, data do accidente, lugar, matrícula ou matrículas dos vehículos implicados e carácter co que actúa.
    • Moi importante: teléfono de contacto.
  • En primeiro lugar é necesario verificar se o accidente en cuestión foi rexistrado como atestado de tráfico; para iso será necesario que envíe un correo electrónico ao enderezo: atestados@coruna.es e solicite se, efectivamente, o expediente foi rexistrado pola dita unidade. Para iso será necesario indicar a data do accidente, o lugar e a matrícula ou matrículas dos vehículos implicados e indicar o carácter co que actúa a persoa solicitante da información (implicado/a, representante).
    • Moi importante: deberase facer constar no encabezamento: SOLICITUDE DE INFORMACIÓN SOBRE SINISTRO.
  • A unidade de Atestados contestaralle por correo electrónico se o dito accidente está rexistrado ou non. No primeiro caso informarano/a do seu número de rexistro e no segundo contestaranlle que non hai accidente rexistrado.
  • Unha vez recibida a solicitude, o persoal instrutor do expediente confeccionará o atestado. Logo de finalizado este, poñeranse en contacto telefónico co/a solicitante para indicarlle que o pode recoller en man tras a identificación previa. Para iso deberá aboar previamente a taxa municipal correspondente no edificio municipal da r/ Franxa (actualmente 51,18 euros) e fará constar que o obxecto da taxa é a solicitude de atestado de tráfico. Facilitaranlle dúas copias (branca e azul). O/a solicitante debe dirixirse ao Cuartel da Policía Local (r/ Tui), dependencias de Atestados de Tráfico, para recoller o atestado. logo de entregar previamente a copia branca da taxa.
  • Se vostede é un organismo oficial (Consorcio de Compensación, xulgados, ...) non está suxeito ás taxas correspondentes.
  • IMPORTANTE: se o/a policía instrutor/a do atestado observa indicios de ilícito penal, non se lle facilitará copia á persoa solicitante nestas dependencias, polo que informará o/a solicitante de que para obter unha copia del deberá acudir ao Xulgado ao que foron remitidas as dilixencias e canalizarase este proceso a través dun/dunha avogado/a que o/a represente.

Copia de atestado de tráfico

Inscricións:

Sobre o procedemento

A quen vai dirixido?:

Persoa física, interesado principal ou representante, que desexe obter unha copia do atestado elaborado pola Policía municipal dun accidente de tráfico ocorrido nas vías urbanas do municipio.

Requisitos:

Aboar previamente a taxa municipal correspondente fixada na Ordenanza municipal no edificio municipal da rúa Franxa e facer constar que o obxecto da taxa é unha solicitude de atestado de tráfico.

Facilitaranlle dúas copias (branca e azul). A persoa solicitante débese dirixir ao Cuartel da Policía Local (r/ Tui), dependencias de Atestados de Tráfico, para recoller o atestado, logo da previa entrega da copia branca da taxa.

Prezo / Custo:

Taxa: a taxa establécese anualmente na Ordenanza fiscal núm. 01, reguladora da taxa por tramitación ou expedición de documentos administrativos.

Órgano que resolve:

Titular da Concellería Delegada de Relacións Institucionais, Turismo e Seguridade Cidadá

Máis información:

    Presentación

    Prazo de presentación:

    Prazo para solicitala: sen prazo.

    Prazo máximo de resolución e notificación: segundo a Lei de procedemento administrativo son 10 días (pode ocorrer que o atestado non estea finalizado no devandito prazo pola falta de dilixencias que non puidesen ser realizadas: declaracións de testemuñas, de implicados, dilixencias de investigacións etc.).

    Documentación necesaria:

    Solicitude que faga constar o número de rexistro, data do accidente, lugar, matrícula ou matrículas dos vehículos implicados e carácter co que actúa.

    MOI IMPORTANTE: TELÉFONO DE CONTACTO

    Canles de presentación

    Presencial

    Que se necesita?:

    Solicitude xeral: solicitude debidamente cuberta. No caso de que se solicite telematicamente a través desta sede electrónica, mediante o formulario web ao que se acceda. Se a presentación é presencial non será necesario. Farase constar o número de rexistro, data do accidente, lugar, matrícula ou matrículas dos vehículos implicados e carácter co que actúa, así como o teléfono de contacto.

    Documentos identificativos: documento acreditativo de identidade no momento de efectuar a recollida do atestado xunto coa folla branca da taxa correspondente.

    Como se fai?:

    De forma presencial no Rexistro Xeral do concello. Enderezos:

    • Concello da Coruña. Praza de María Pita núm. 1. CP 15001 A Coruña
    • Fórum Metropolitano. Rúa Río de Monelos núm. 1. CP 15006 A Coruña
    • Centro Sociocultural Ágora. Rúa Ágora s/n. CP 15010 A Coruña

    Onde se fai?

    Internet

    Que se necesita?:

    A través do Rexistro Telemático NON se require identificación con DNI electrónico, certificado dixital avanzado e recoñecido, nin ningún outro medio recoñecido pola sede electrónica do Concello da Coruña.

    Como se fai?:

    En primeiro lugar é necesario verificar se o accidente en cuestión foi rexistrado como atestado de tráfico; para iso habería que contactar a través dun correo electrónico con atestados@coruna.es e solicitar se, efectivamente, o expediente foi rexistrado pola devandita unidade.

    Para iso será necesario indicar a data do accidente, o lugar e a matrícula ou matrículas dos vehículos implicados e indicar o carácter co que actúa a persoa solicitante da información (implicado, representante).

    Moi importante: deberase facer constar no encabezamento SOLICITUDE DE INFORMACIÓN SOBRE SINISTRO. A Unidade de Atestados contestaralle por correo electrónico se o dito accidente está rexistrado ou non. No primeiro caso informarano/a do seu número de rexistro e no segundo contestaranlle que non hai accidente rexistrado.

    Unha vez recibida a solicitude, o persoal instrutor do expediente confeccionará o atestado. Unha vez finalizado este, poñeranse en contacto telefónico co/coa solicitante para indicarlle que o pode recoller en man, logo da previa identificación.

    Para iso deberá aboar previamente a taxa municipal correspondente no edificio municipal da rúa Franxa (segundo a ordenanza en vigor) e fará constar que o obxecto da taxa é a solicitude de atestado de tráfico. Facilitaranlle dúas copias (branca e azul). O/a solicitante débese dirixir ao Cuartel da Policía Local (r/ Tui), dependencias de Atestados de Tráfico, para recoller o atestado, logo da previa entrega da copia branca da taxa.

    Se vostede é un organismo oficial (Consorcio de Compensación, Xulgados etc.) non está suxeito ás taxas correspondentes.

    IMPORTANTE: se o/a policía instrutor do atestado observa indicios de ilícito penal, non se lle facilitará copia á persoa solicitante nestas dependencias, polo que informará o/a solicitante de que para obter unha copia del deberá acudir ao Xulgado ao que foron remitidas as dilixencias e canalizarase este proceso a través dun/dunha avogado/a que o/a represente.

    Páxina web:

    TRAMITAR

    Teléfono

    Despois

    Prazo de resolución:

    Segundo a Lei de procedemento administrativo: 10 días. (Pode ocorrer que o atestado non estea finalizado no devandito prazo pola falta de dilixencias que non puidesen ser realizadas: declaracións de testemuñas, de implicados, dilixencias de investigacións etc.).

    Sentido do silencio administrativo:

    Desestimatorio

    E despois?:

    Recursos posibles:

    Contra este acto, que pon fin á vía administrativa, poderá interpoñer potestativamente un recurso de reposición, ante o mesmo órgano administrativo que o tivese ditado nun prazo DUN MES, ou directamente recurso contencioso-administrativo, ante o Xulgado do Contencioso-Administrativo con sede na Coruña que por quenda corresponda, no prazo de DOUS MESES; en ambos os casos, o prazo que se di contarase a partir do día seguinte ao da data de recepción da presente notificación (art. 123 e 124 da Lei 39/2015, do 1 de outubro, do procedemento administrativo común das administracións públicas; e artigos 8 e 46 da Lei 29/1998, do 13 de xullo, reguladora da xurisdición contencioso-administrativa).

    Se opta pola interposición do recurso de reposición advírteselle:

    • Que non poderá interpoñer o recurso contencioso-administrativo ata a resolución expresa ou desestimación presunta do recurso de reposición interposto.
    • Que transcorrido o prazo dun mes, desde a súa presentación, sen que se notificase a resolución, entenderase desestimado, para os efectos de interpoñer o recurso contencioso-administrativo.
    • Que contra a resolución do recurso de reposición poderá interpoñer o recurso contencioso-administrativo, ante o órgano da Xurisdición Contencioso-Administrativo antes citado, no prazo de DOUS MESES, que se contan a partir do día seguinte ao da súa notificación, se fora expresa e, se non o fose no prazo de SEIS MESES, que se contan a partir do día seguinte a aquel no que se produza a desestimación presunta.Todo iso sen prexuízo do seu dereito para interpoñer, calquera outro recurso que se estime procedente.

    Outras versións

    Que che parece esta sección?

    -101-101-101

    Tes un navegador demasiado antigo!

    Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

    Iniciar sesión