A cidadanía que desexe conducir un vehículo destinado ao servizo de taxi do Concello da Coruña, deberá obter o permiso municipal de taxi.

CARACTERÍSTICAS DO EXAME:

Para a obtención dos permisos municipais de taxi será necesario a realización dun exame, que terá lugar o primeiro venres hábil de cada mes no Departamento de Mobilidade sito na Estación de Autobuses (C/ Cabaleiros s/n). Os aspirantes poderán cometer un máximo de cinco fallos. O solicitante poderá realizar a proba de aptitude un máximo de dúas veces; no caso de que non consiga superar o exame nos dous intentos estipulados, deberá abonar novamente a taxa pola realización da proba.

Na páxina web pódese consultar o temario esixido para o exame.

VIXENCIA:

O permiso terá un validez de 5 anos, debendo renovarse unha vez transcorrese devandito prazo. Se non se fai uso do permiso durante un prazo máximo de seis meses, será revogado. No caso de que non se exerza por atoparse en situación de desemprego involuntario o permiso seguirá vixente durante un prazo máximo de dous anos.

RECOLLIDA DO PERMISO:

A retirada do permiso realizarase polo interesado no Departamento de Mobilidade unha vez recibida a notificación. Para a recollida do carné deberá presentar:

- Orixinal e copia do contrato de traballo.

- Orixinal e copia da inscrición de alta na Seguridade Social.

- Declaración responsable na que manifeste que presta o servizo de taxi con exclusiva dedicación, cumprindo o fixado na Lei 4/2013, de 30 de maio (Art. 20 apart. 1).