Que son a clave pública e a clave privada?

A tecnoloxía actual usa, maioritariamente, nos procesos de asinado e cifrado, o que se chama criptográfica asimétrica. Isto quere dicir que a cada persoa usuaria que queira asinar e/ou cifrar asígnanselle dúas claves, unha pública e outra privada.

É conveniente saber que a clave que aparece no certificado electrónico é só a clave pública. A clave privada non aparece no certificado. Aínda que a dita clave privada puidese ser xerada pola mesma autoridade de certificación que expediu o certificado, e correspóndese só coa clave pública que aparece no certificado. A autoridade de certificación non pode almacenar en ningún momento a clave privada. Así pois cada certificado ten asociada unha clave privada, pero esta non aparece contida no certificado.

Como exporto a clave pública?

Se tes instalado o certificado nun navegador Chrome, Edge ou Internet Explorer en Windows podes realizar os seguintes pasos para exportar a clave pública:

• Accedemos ao menú "Ferramentas", "Opcións de Internet", pestana "Contido". No apartado de certificados, pulsamos o botón "Certificados" e despois seleccionamos a pestana "Persoal".

• Prememos sobre o certificado que desexamos exportar. A continuación, pulsamos en Exportar. No Asistente para exportación de certificados, prememos en Seguinte. Pulsamos en Non exportar a clave privada e picamos en Seguinte.

• Marcaremos a opción "DER binario codificado X.509 (.CER)" e pulsamos "Seguinte". Introducimos a ruta e o nome do arquivo que conterá o certificado exportado.

• A continuación, móstrasenos unha pantalla coas propiedades do certificado exportado, pulsaremos "Finalizar" e se a operación a realizamos correctamente apareceranos unha mensaxe confirmándonos a exportación correcta do certificado.

Para máis información podes consultar este vídeo.

Se o teu sistema operativo é OSX e o navegador que utilizas é Safari é necesario que o certificado electrónico estea instalado en "Acceso a chaveiros" de Mac.

Inicie a aplicación desde "Finder", "Aplicacións", "Utilidades", "Acceso a chaveiros".

Acceda a "Inicio de sesión", "Os meus certificados", seleccione o certificado para exportar e prema en "Arquivo", "exportar elementos" ou "exportar ítems" segundo a versión.

En "Formato de arquivos" seleccionamos "Certificado (.cer)", dámoslle un nome ao arquivo en "Gardar como", seleccionamos "Localización" e pulsamos en "Gardar".