Quen non pagará a recarga? (requirirase declaración segundo os Modelos 34.*):

• Os/as menores de 18 anos.
• Os/as deportistas federados/as que asistan a competicións oficiais na Coruña.
• As estancias por motivos de saúde que cumpran os requisitos establecidos.
• As estancias subvencionadas por programas sociais dunha Administración pública de calquera estado membro da Unión Europea.
• As estancias por causa de forza maior, debidamente xustificadas.
• As realizadas por persoas con discapacidade que acrediten un grao de discapacidade igual ou superior ao 65%.
• As estancias realizadas en albergues públicos xestionados pola Xunta de Galicia a través da SA de Xestión do Plan Xacobeo.
• As que se realicen con motivo habitacional como consecuencia da realización de obras de mellora ou acondicionamento na vivenda habitual na Coruña.
• As que realicen as persoas participantes en congresos oficiais na cidade da Coruña organizados, patrocinados polo Concello da Coruña.
• O persoal docente univesitario que veña impartir cursos oficiais á cidade da Coruña de duración inferior a cinco días.

Como se debe consignar a recarga na factura que se emita?

O suxeito pasivo substituto debe consignar na factura que lles emita ás súas persoas clientas, de maneira diferenciada da contraprestación polos seus servizos, o importe da cota da recarga con indicación do número de unidades de estancia e do tipo de gravame aplicado.

Cantos son os contribuíntes para computar no caso dun apartamento turístico cando se aluga sen coñecer o número de persoas que se aloxarán?

Deben computarse unha vez que se identificaron de acordo co previsto no artigo 11 do Decreto 12/2017, do 26 de xaneiro, polo que se establece a ordenación de apartamentos turísticos, vivendas turísticas e vivendas de uso turístico na Comunidade Autónoma de Galicia e os artigos 4 a 6 do Real decreto 933/2021, do 26 de outubro, polo que se establecen as obrigas de rexistro documental e información das persoas físicas ou xurídicas que exercen actividades de hospedaxe.

"A persoa usuaria debe acreditar a súa identidade no momento de efectuar a entrada ao establecemento por medio dun documento suficientemente acreditativo. Este documento debe devolverse inmediatamente ao seu propietario ou á súa propietaria."

Por tanto, serán contribuíntes do imposto todas as persoas físicas que realicen unha estancia e que se sinalan no artigo 6 da ordenanza municipal e deberán acreditar a súa identidade no establecemento en que se aloxen, co fin de cumprir a obriga dos establecementos de levar o rexistro das persoas usuarias aloxadas.

Están suxeitos a gravame as pensións, os hostais e as pousadas?

Si, porque se consideran establecementos hostaleiros, de acordo co previsto nos artigos 9 e 10 do Decreto autonómico de Galicia 57/2016, do 12 de maio, polo que se establece a ordenación dos establecementos hostaleiros.

Cando devindica o imposto?

En xeral, o imposto devindica ao comezo da estancia nos establecementos e equipamentos turísticos. En particular, e en canto ás estancias en embarcacións de cruceiros, o imposto devéñase, por parte dos contribuíntes que se atopan en tráfico, no momento en que o barco fai escala no porto da Coruña. A persoa que embarca no porto da Coruña iniciando así a súa viaxe, ou aquela que desembarca nel porque este porto é o destino final da súa viaxe, non deveña o imposto.

Como se autoliquida a recarga?

De forma telemática a través do procedemento dispoñible na Oficina Virtual do Contribuínte (require certificado dixital)

Cal é o período de liquidación da recarga e que cotas se deben incluír na autoliquidación?

Hai dous períodos de liquidación semestrais: do 1 da o 20 de xaneiro e do 1 ao 20 de xullo. A autoliquidación debe incluír as cotas devindicadas e esixibles dentro destes semestres para cada establecemento ou cruceiro.

Cal é o prazo de presentación e ingreso da autoliquidación?

Hai dous períodos de liquidación semestrais:

- Do 1 de xaneiro ao 30 de xuño do mesmo ano. Prazo para a presentación e ingreso da autoliquidación: do 1 ao 20 de xullo

- Do 1 de xullo ao 31 de decembro. Prazo para a presentación e ingreso da autoliquidación: do 1 e ao 20 de xaneiro do ano seguinte.

É necesario presentar autoliquidación cando non resulte ningunha cantidade para ingresar?

Non é necesario presentar a autoliquidación cando non resulte ningunha cantidade para ingresar, sen prexuízo da obriga das persoas suxeitos pasivos substitutos de conservar a documentación acreditativa das exencións aplicadas ata que finalice o prazo de prescrición.