Para saber que trámite debe facer e que documentación debe presentar acceda ao buscador da guía de procedementos e servizos na pestana Trámites e servizos electrónicos. Busque a través dunha palabra "clave" do trámite. Obterá un resultado con todos os trámites que inclúan esa palabra clave e se están abertos ou cerrados para presentar o trámite.

Pulse no trámite que desexa realizar e accederá á información xeral do trámite; tras a cal observará tres pestanas:

• Na pestana sobre o procedemento poderá obter información do trámite concreto.
• Na pestana presentación obterá información sobre prazos, a documentación que necesitará achegar ao trámite e se pode realizar o trámite electronicamente ou se se requirirá realizar o trámite presencialmente.
• Finalmente, na pestana despois da presentación será informado/a sobre prazos de resolución, sentido do silencio administrativo e recursos administrativos que poderá interpoñer en caso de denegación do procedemento.