- Inicio
- Trámites e servizos electrónicos
- Guía de procedementos e servizos
- Detalle de procedementos
PADALTAN
Padrón de habitantes: alta por nacemento
Canles:
Telemático, Presencial
Nivel de tramitacion electronica:
Tramitación electrónica
Tipo:
Rexistros e censos
Materia:
Trámites online, Poboación e comunidades
Órgano responsable:
Interior
Vixente:
Si
O empadroamento é o acto de rexistrarse no municipio de residencia habitual e determina que a persoa é considerada veciña desa poboación. Quen resida en máis dun municipio deberá efectuar o empadroamento naquel no que viva durante máis tempo no ano.
Este trámite permite efectuar a inscrición no Padrón de habitantes da cidade da Coruña das persoas recentemente nacidas en familias xa empadroadas previamente.
Padrón: alta por nacemento
Inscricións:
Sobre o procedemento
A quen vai dirixido?:
Calquera persoa física que desexe realizar unha alta dun/dunha recentemente nado/a.
Os/as menores de idade non emancipados/as e os/as maiores incapacitados/as deben figurar empadroados/as no domicilio dos pais ou representantes legais, salvo autorización por escrito destes para residir noutro domicilio.
Requisitos:
O Padrón é o rexistro que acredita a residencia e a dirección das veciñas e veciños do municipio para todos os efectos administrativos.
Todas as persoas deberán estar empadroadas no domicilio no que máis tempo residan ao ano.
Prezo / Custo:
Ningún
Máis información:
O Instituto Nacional de Estatística (INE) comunícalle ao concello a información das persoas nacidas nel, que se incorporan ao Padrón de oficio, sen intervención das persoas interesadas. Se necesita esa alta inmediatemente, sen esperar a dita alta de oficio, poderá utilizar para iso este trámite.
Normativas relacionadas
- Lei 7/1985, do 2 de abril, reguladora das bases do réxime local
- Real Decreto 1690/1986, de 11 de xullo, polo que se aproba o Regulamento de Poboación e Demarcación Territorial das Entidades Locais.
- Lei 39/2015, do 1 de outubro, do procedemento administrativo común das administracións públicas
- Lei 40/2015, de 1 de outubro, de Réxime Xurídico do Sector Público
- Resolución de 29 de abril de 2020, da Subsecretaría, pola que se publica a Resolución de 17 de febreiro de 2020, da Presidencia do Instituto Nacional de Estatística e da Dirección Xeral de Cooperación Autonómica e Local, pola que se ditan instrucións técnicas aos Concellos sobre a xestión do Padrón municipal
Presentación
Prazo de presentación:
A solicitude pódese realizar en calquera momento.
Documentación necesaria:
Libro de familia ou certificado de nacemento.
Canles de presentación
Presencial
Que se necesita?:
Os documentos especificados no apartado "Documentación necesaria".
Como se fai?:
Deberá solicitar cita previa e presentarse no momento establecido coa documentación.
Internet
Que se necesita?:
Deberá dispoñer de certificado dixital.
Como se fai?:
Presentación da documentación en liña. Pulsando o botón Tramitar.
Páxina web:
https://sede.coruna.gal/opensiac/action/tramitacion?method=enter&id=1443
Teléfono
Despois
Prazo de resolución:
O prazo máximo será de 3 meses.
Sentido do silencio administrativo:
Estimatorio
Outras versións
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible