O Concello da Coruña, a través do Servizo de Educación, organizará, baixo o título "Humildade e traballo. Encontro con Bebeto", unha charla-coloquio con Bebeto, ex xogador do Deportivo, orientada a escolares de entre 11 e 14 anos. A actividade pretende trasladar a importancia dos valores que transmite o deporte e a súa aplicación na vida cotiá.

A participación nesta actividade, que se desenvolverá o día 27 de novembro no centro cultural Ágora, en horario de 10 a 12 horas, será gratuíta, aínda que será imprescindible inscribirse a través dunha ficha específica á que se pode acceder na seguinte ligazón: ligazón á ficha de inscrición.

Debido ao aforamento do Ágora, a asistencia determinarase por orde de inscrición, cun máximo de 400 prazas, estando limitada a participación a escolares de 5 º e 6º de Primaria e de 1º, 2º e 3º da ESO de centros públicos da cidade. O Servizo de Educación facilitará a participación poñendo a disposición dos centros autobuses gratuítos, con horario de recollida do alumnado ás 9.30 e regreso ao centro a partir das 12 horas.