A Asociacion Veciñal Oza-Gaiteira-Os Castros organiza a proxección deste documental.

Un documental dedicado á figura do piloto coruñés Carlos Piñeiro, veciño do barrio da Gaiteira, que repasa a súa traxectoria deportiva e a pegada que deixou no automobilismo galego.

A admiración e o respecto das persoas entrevistadas neste documental pola figura de Carlos Piñeiro explican a súa consideración como lenda do automobilismo galego.

Con só seis anos de carreira deportiva conseguiu establecer un récord de triunfos moi difícil de igualar.

Este documental tamén pon en valor a súa maneira de entender a competición: gañar con xenerosidade e sen alardes, con nobreza, e saber perder con serenidade e sen desquites.

Director: José Antonio Jiménez